20.03.2012 21:06

Útgáfutónleikar Tríó Glóða


Tríó Glóðir heldur útgáfutónleika í
Fríkirkjunni 24. mars kl. 18:00



Tríó Glóðir

Tríó Glóðir skipa Hafsteinn Þórólfsson söngvari, Jón Gunnar Biering Margeirsson gítarleikara og Ingólfur Magnússon bassaleikari.
Á Facebókarsíðu þeirra segir m.a. að tríóið hafi verið stofnað til að leika lög Oddgeirs Kristjánssonar (1911-1966) tónskálds frá Vestmannaeyjum. Tríóið hefur rannsakað og útsett tónlist Oddgeirs og flutt á tónleikum víða um land. Á tónleikum fylgja gjarnan sögurnar af tilurð laga Oddgeirs og stiklað er á stóru um lífshlaup hans.

Tríóið Glóðir hefur lagt lokahönd á fyrstu breiðskífu sína og ber hún heitið Bjartar vonir.
Á plötunni eru þekktar perlur Oddgeirs Kristjánssonar í bland við minna þekktar auk þess sem tvö lög á plötunni hafa ekki áður verið gefin út, hvorki á nótum né hljóðupptöku. Sigríður Thorlacius syngur dúetta með Hafsteini á plötunni og mun einnig heiðra tónleikagesti með nærveru sinni og gullbarka.

Platan verður að sjálfsögðu til sölu á staðnum á 2500 krónur.

Hægt er að nálgast miða á 
midi.is  en einnig verður seldur aðgangur við dyrnar.
Miðaverð 2000
krónur.


Tríó Glóðir á Facebook, HÉR

Hljóðdæmi af diskinum BJARTAR VONIR HÉR



Flettingar í dag: 133
Gestir í dag: 64
Flettingar í gær: 252
Gestir í gær: 136
Samtals flettingar: 854428
Samtals gestir: 153176
Tölur uppfærðar: 3.3.2021 08:36:58