Færslur: 2013 Júní

12.06.2013 17:05

Blokkflautuskáld í 50 ár.


Spilað í 50 ár - 

Gísli Helgason blokkflautuskáld

Gísli Helgason - Blokkflautuskáld í 50 ár


50 ár eru liðin síðan Gísli Helgason, hóf sinn frækna feril sem blokkflautuskáld, 
af því tilefni munu Gísli og Bítladrengirnir í blíðu og stríðu, 
efna til tónleika á eftirtöldum stöðum:

Reykjavík -Café Rosenberg - 27. júní - kl. 21:00

Akureyri - Græni hatturinn - 29. júní - kl.22:00

Vestmannaeyjar - Alþýðuhúsið - 7. júlí 2013 - kl. 21:00

Aðgangseyrir: 2000 krónur

 



12.06.2013 17:01

Aldarminning um Árna í Eyjum

Aldarminning um Árna í Eyjum

verður í Safnahúsinu í Vestmanneyjum sunnudaginn 23. júní kl. 15. 

Árni úr Eyjum

 Þarna verður sagt frá ævi Árna, samvinnu hans við fóstbróður sinn Oddgeir Kristjánsson en þeir gerðu saman fjölmarga texta og lög.
Svo verða líka flutt lög eftir þá félaga.
Auk þess verður flutt nýtt lag við texta Árna úr Eyjum sem ekki hefur birst áður.

Þeir sem koma fram eru Hafsteinn Gudfinnsson, Gísli Helgason,
Þórólfur Guðnason og nokkur barnabörn þeirra Árna og Oddgeirs.


Hafsteinn Gudfinnsson, Gísli Helgason og Þórólfur Guðnason




11.06.2013 02:00

Sölvaferð 2013




SÖLVAFERÐ ÁTVR 2013
laugardaginn 22. júní kl. 10:30 

 Sölvaferð ÁtVR 2012

Árleg sölvaferð félagsins, verður farin eins og undanfarin ár að Reykjanesvita. Safnast verður saman á bílastæðinu við Bíóborg, Mjódd Álfabakka 8, Rvk. (kort) og farið þaðan kl. 10:30 með rútu í boði félagsins


Nauðsynlegt er að skrá sig fyrir dagslok 16. júní á heimasíðu félagsins eða í vefpósti: eyjarnar@gmail.com

Hver og einn kemur með sinn útbúnað til sölvatínslu s.s. poka undir sölina, hníf, stígvél og hanska. Rétt er að hafa með sér nesti þar sem ferðin getur tekið um 4 klst.


Sölvaferð ÁtVR 2013

Snjallt er að tína sölina í netpoka t.d. undan kartöflum, koddaver eða álíka til að láta sjóinn renna vel af, hún verður léttari í burði heim. 
Að sjálfsögðu klæða sig allir eftir veðri og við öllu búnir.

 ATHUGIÐ!
Ef óhagstætt veður verður eða þátttaka dræm getur ferðin verið felld niður. Það verður þá tilkynnt með góðum fyrirvara. 

Reiknað er með lágfjöru við vitann kl. 11:16

Vilji fólk koma sér sjálft á staðinn þá eru hér kort af Reykjanesi á ja.is.

Hvetjum við félagsmenn til að 
taka vini og ættingja með og eiga skemmtilegar stundir í fallegri náttúru og góðum félagsskap.

 


Myndir frá fyrri sölvaferðum. 



Sölvaferð ÁtVR 2012




  • 1
Flettingar í dag: 132
Gestir í dag: 58
Flettingar í gær: 1140
Gestir í gær: 134
Samtals flettingar: 829403
Samtals gestir: 147952
Tölur uppfærðar: 23.10.2020 11:01:28