Færslur: 2013 Október

10.10.2013 16:30

Til Eyja


Til Eyja 
 

Edda Andrésdóttir


Eyjakonan Edda Andrésdóttir, hefur skrifað minningabók um veru sína í Eyjum þar sem hún dvaldi sem barn á sumrin hjá ömmu sinni og móðurfjölskyldu. 
 
Á bókakápu segir:
,,Fjörutíu árum eftir að jörðin rifnaði á Heimaey, nánast við bæjardyrnar á Kirkjubæ, vitjar Edda Andrésdóttir liðinna tíma. Annars vegar þess þegar hún var þar stelpa á sumrin hjá ömmu sinni og móðurfólki. Hins vegar dvalarinnar þar þegar hún, nýorðin blaðamaður, fylgdist með fjölmörgum
húsum bernskunnar verða hrauni, ösku og eldi að bráð.

Hér er fólkið á Kirkjubæ í forgrunni, lífið og sumrin á sjötta og sjöunda áratugnum þegar Edda var kúasmali og mjólkurpóstur og Bítlarnir og Rolling Stones slógu taktinn í Eyjum, milli þess sem á dundu áföll og sorgir. Til Eyja geymir minningar um stað sem í barnssálinni var miðja heimsins. Þar lifði fólk í stórbrotinni náttúru sem gaf og tók á víxl, uns allt þetta hvarf skyndilega af yfirborði jarðar, djúpt undir hraun."





Til Eyja - Edda Andrésdóttir

 

Um þessa líflegu mynd á bókarkápu segir Edda; "myndin var tekin við stofugluggann á húsi ömmu. Efst í stiganum er Marý frænka mín, því næst Jóna systir, svo kemur Gerður Pálma (sem rak verslunina Flóna í Reykjavík og var sumarstelpa á Kirkjubæ eins og við systur) og neðst er ég sjálf." 


Til EYJA er fjórða bók Eddu en hinar þrjár eru Á Gljúfra­steini, Sólin kemur alltaf upp á ný og Í öðru landi.

Útgefandi er bókaforlagið JPV.  Bókina má nálgast HÉR


  Hér má heyra annað skemmtilegt viðtal við Eddu, í þættinum Mannlíf á RÚV 09.10.2013 Lengd  9:39 mín.


01.10.2013 06:22

Þór 100 ára.

Íþróttafélagið Þór Vestmannaeyjum 100 ára

Íþróttafélagið Þór Vestmannaeyjum 100 ára


9. september voru liðin 100 ár frá stofnun Íþróttafélagsins Þórs.
Stofnfundurinn var haldinn í húsinu Borg við Heimagötu, stofnfélagar voru alls 18  
Í tilefni þessa merka afmælis hefur verið gefin út bókin;
Íþróttafélagið Þór Vestmannaeyjum í 100 ár. 

Bókin er skrásett af Sigurgeiri Jónssyni, telur 528 blaðsíður í stóru broti og spannar tímabilið frá 1913 til 1996 eða þar til félagið sameinaðist Knattspyrnufélaginu Tý, undir merki ÍBV.

Þeir sem vilja eignast bókina geta haft samband við;
Guðna F. Gunnarsson
Sími: 698 2208
netfang: gfg@eyjar.is


  • 1
Flettingar í dag: 137
Gestir í dag: 61
Flettingar í gær: 172
Gestir í gær: 48
Samtals flettingar: 827623
Samtals gestir: 147634
Tölur uppfærðar: 19.10.2020 21:08:39