Færslur: 2014 Febrúar

20.02.2014 18:49

Ásakvöld 2014

"ÁSAKVÖLD"

Í tilefni af 100 ára afmæli Ása í Bæ verður efnt til tveggja söng- og vísnakvölda sem helguð eru lögum og söngtextum Ása:

 

·        Fimmtudagskvöldið 27. febrúar, kl. 21:00

Café ROSENBERG við Klapparstíg

Athugið að  bílastæðahús er gegnt Þjóðleikhúsinu við Hverfisgötu.

 

·        Föstudagskvöldið 28. febrúar, kl. 21:00

Alþýðuhúsið í Vestmannaeyjum

 

"Ásabandið" mun flytja öll þekktustu lög og ljóð Ása í Bæ, en gert er ráð fyrir að gestir syngi  með og taki hraustlega undir. "Ásabandið" skipa þeir Árni Johnsen (gítar, söngur), Örvar Aðalsteinsson (bassi), Ingi Gunnar Jóhannsson (gítar, söngur) og Georg Kulp (harmonikka).

Yfir vötnum svífur minningin um sams konar afmælistónleika sem haldnir voru á sjötugsafmæli Ása í Norræna Húsinu fyrir réttum þrjátíu árum; geisladiskur með upptökum m.a. af þeim tónleikum verður boðinn til sölu á báðum stöðum ásamt tvöfölda geisladiskinum "Gaman að vera til" sem inniheldur nær öll lög og texta Ása.

Það er full ástæða til að hvetja Vestmannaeyinga og aðra unnendur laga og ljóða Ása í Bæ til þess að fjölmenna, því saman getum við þannig búið til hina einu sönnu  Eyjastemmningu !

 

Með vinsemd og tilhlökkun,

f.h. "Ásabandsins"

Ingi Gunnar Jóhannsson

 

  • 1
Flettingar í dag: 125
Gestir í dag: 42
Flettingar í gær: 122
Gestir í gær: 45
Samtals flettingar: 812249
Samtals gestir: 143086
Tölur uppfærðar: 11.8.2020 18:39:34