Áhugaverð Eyjaplata með 10 nýjum lögum eftir 14 laga og textahöfunda frá vestmannaeyjum; Í skugga meistara yrki ég ljóð! er að koma út.

Það er BEST, Bandalag Vestmanneyskra söngva- og tónskálda sem stendur að útgáfunni.

Á Youtube síðu félagsins má lesa eftirfarandi upplýsingar, ég leyfi mér að endurbirta þær hér:

"Platan inniheldur 10 ný Eyjalög eftir 14 vestmanneyska laga- og textahöfunda. Nafn plötunnar vísar til meistara eins og Oddgeirs Kristjánssonar, Ása í Bæ, Árna úr Eyjum og fleiri merkra laga- og textasmiða sem hófu og skópu leikinn hvað Eyjalögin varðar. 
Ein af hugsanlegum ástæðum þess að dregið hafði úr þeirri grósku sem var í Eyjalögunum um miðja síðustu öld kann að vera hræðsla laga- og textahöfunda við að vera borin bornir saman við gömlu meistarana. Þessi plata sýnir að nútíma vestmannaeyskir laga- og textahöfundar eru ekkert síðri og að lög þeirra eru vel frambærileg í alla staði.
Laga- og textahöfundar hafa mismikla reynslu af útgáfu en sumir þeirra eiga nú þegar þjóðhátíðarlög eða hafa gefið út plötur með hljómsveitum sem þeir hafa starfað í, en aðrir hafa ekki látið í sér heyra fyrr en nú.

Sendu línu á best.eyjar@gmail.com ef þú vilt eignast plötuna."

Fyrsta lagið af plötunni sem fer í spilun:

SURTSEY
Lag og texti: Sigurmundur Gísli Einarsson
Flytjendur: Árni Johnsen og Unnar Gísli Sigurmundsson
Hljómsveitin Móberg