Í tilefni að útgáfu geisladisksins "Hugsaðu um búskapinn, hættu að daðra"
efnir Tríó Blik til tónleika á eftirtöldum stöðum:

Akóges,  Vestmannaeyjum þann 31 . október  kl. 20.00 (sjá kort)

Félagsheimili Seltjarnarness þann 3. nóv. kl. 20:00   (sjá kort)

Dalabúð, Búðardal þann 4. nóvember kl. 20.00   (sjá kort)

Slippsalnum, Mýrargötu 2  þann 5. nóvember kl. 20:30     (sjá kort)

Aðgangseyrir 1500 kr.

Tríó Blik skipa Hanna Dóra Sturludóttir, söngur,
Freyja Gunnlaugsdóttir á klarínettu og
Daníela Hlinkova á píanó.

Þær munu flytja nýjar útsetningar Atla Heimis Sveinssonar á lögum Ása í Bæ og Oddgeirs Kristjánssonar. Á efnisskránni eru þjóðþekktar perlur eftir þá félaga Ása og Geira, lög eins og Ég veit þú kemur, Maja litla, Sólbrúnir vangar, Síldarstúlkurnar ofl. 
Á geisladisknum er meðal annars að finna fyrstu upptöku sem gerð hefur verið á Tangónum
Ó, komdu kær, sem er elsta lag sem vitað er til að Ási hafi samið, það er frá 1931, þegar Ási var 17 ára. Fannst þetta hugljúfa lag nýlega á gamalli upptöku tekinni upp í heimahúsi þar sem að Ási situr með gítarinn og syngur lögin sín.
Tríó Blik hefur starfað saman frá árinu 2006 og kom fyrsti geisladiskur þeirra "Kviða"  út á Íslandi síðastliðið vor.

Sjá umfjöllun í Fréttum Sjónvarps hér.

Diskurinn er seldur í hljómplötuverslunum en auk þess má einnig fá hann

á sérstöku tilboði fyrir Vestmannaeyinga

hjá   Gunnlaugi Ástgeirssyni í símum:   5612146    5612146,

eða tjaramusic@gmail.com