Færslur: 2014 Apríl

23.04.2014 12:17

Tónleikar Sönghóps ÁtVR 2014

Tónleikar Sönghóps ÁtVR

Laugardaginn 26. apríl kl.15

 Sönghópur ÁtVR

 

Sönghópur Átthagafélags Vestmannaeyinga á Reykjavíkursvæðinu (ÁtVR) heldur vortónleika sína í Kirkju Óháða safnaðarins við Háteigsveg í Reykjavík, laugardaginn 26. apríl n.k. kl. 15. Tónleikarnir eru að stórum hluta tileinkaðir skáldinu og lagahöfundinum Ása í Bæ, í tilefni af því að þann 27. febrúar s.l. voru 100 ár frá fæðingu hans. Einnig verða flutt lög annarra höfunda.

 Ási í Bæ


Ási var fæddur í Litla Bæ við Strandveg í Vestmanneyjum 27. febrúar 1914 og lést 1. maí 1985. Hann skrifaði margar bækur og samdi allskyns kveðskap um lífíð í Vestmannaeyjum á síðustu öld. Á tónleikunum verður sagt frá lífshlaupi Ása í Bæ ásamt því að flutt verða lög hans og textar.

Ási samdi mörg ljóð við Þjóðhátíðarlög Oddgeirs Kristjánssonar á árunum 1950 til 1965. Hann samdi einnig þó nokkuð af lögum sjálfur við eigin texta og þar á meðal nokkur Þjóðhátíðarlög á tímabilinu frá 1970-1985. Á tónleikunum verða m.a. flutt lög hans Herjólfsdalur og Sævar í Gröf í glænýjum kórútsetningum. Með Sönghóp ÁtVR leikur 4 manna hljómsveit en stjórnandi er Hafsteinn G. Guðfinnsson.

Allir eru velkomnir á tónleikana en aðgangseyrir er 2000 krónur fyrir manninn.


Þess má einnig geta að laugardaginn 10. maí n.k. kl. 14 mun Sönghópur ÁtVR halda tónleika í Sólheimakirkju, á Sólheimum í Grímsnesi, fyrir íbúa, gesti og gangandi og eru allir velkomnir.

 


 Kirkja Óháða safnaðarins við Háteigsveg 56 í Reykjavík á götukorti.





.

  • 1
Flettingar í dag: 135
Gestir í dag: 43
Flettingar í gær: 122
Gestir í gær: 45
Samtals flettingar: 812259
Samtals gestir: 143087
Tölur uppfærðar: 11.8.2020 19:15:51