Færslur: 2015 Nóvember

26.11.2015 04:22

Eins og þú - Ný bók


           Eins og þú

 

Eins og þú, önnur barnasagan sem Jóhanna Hermansen skrifar og myndskreytir var að koma út.

Á bókarkápu stendur:
Eins og þú. "Ég vildi að ég væri eins og þú," sagði öspin við grenitréð.
"Ha? Ertu að tala við mig, hvað varstu að segja?" sagði grenitréð sem var vakið upp af værum blundi.
Ösp og grenitré voru tré, sem stóðu hlið við hlið í stórum garði í bæ einum úti á landi. Þau höfðu aldrei talað saman þangað til einn daginn.

Bókin fæst í Eymundson í Austurstræti, Kringlunni og í Eyjum og hjá höfundi.





Eins og þú - Bók eftir Jóhönnu Hermansen

Eins og þú - Baksíða bókarinnar





.

18.11.2015 02:51

Hrekkjalómafélagið - 20 ára saga.


Hrekkjalómafélagið



Aftur sendir Ási Friðriks frá sér bók með áhugaverðum lýsingum af mannlífinu í Vestmannaeyjum.

Hrekkjalómafélagið bókarkápa


Hrekkjalómafélagið í Vestmannaeyjum var einstakur félagsskapur og það á heimsvísu. Þar létu menn ekkert tækifæri ónotað til að koma hver öðrum á óvart og sumum utan félagsins einnig.

Í þessari bráðskemmtilegu bók rekur Ásmundur Friðriksson 20 ára sögu Hrekkjalómafélagsins; segir frá hrekkjunum og undirbúningi þeirra, viðbrögðunum og .afleiðingunum sem urðu stundum alvarlegri en menn héldu í upphafi.

Í bókinni segir meðal annars frá því þegar:

Halli í Turninum fær ís.

Ráðherrahjónum er gert rúmrusk.

Maggi Kristins "býður" öllum í afmælið sitt.

Geir Jón handtekur Tóta rafvirkja.

Sjálfvirkur sleppibúnaður er kynntur til sögunnar.  

Össur Skarphéðinsson skartar skófari á rassinum.

Guðjón Hjörleifs prófar sjónvarpssíma.

Logi Snædal gengur berfættur yfir flöskubrot.  

Kosning um "Fyrsta klámkóng Eyjanna" fór fram.

Þá fá lesendur að kynnast nokkrum hrekkjalómum utan félagsins og ber þar hæst sögur af Jóni Berg Halldórssyni og Didda í Svanhól, en upptalningin er annars bara lítið brot af því sem leynist í bókinni HREKKJALÓMAR - PRAKKARASTRIK OG PÚÐURKELLINGAR sem kitlar svo sannarlega hláturtaugarnar.


Bókaútgáfan Hólar gefur bókina út.



.

  • 1
Flettingar í dag: 113
Gestir í dag: 42
Flettingar í gær: 122
Gestir í gær: 45
Samtals flettingar: 812237
Samtals gestir: 143086
Tölur uppfærðar: 11.8.2020 18:04:41