Fjallið sem yppti öxlum: maður og náttúra

Fjallið sem yppti öxlum: maður og náttúra

Höfundur bókarinnar, Gísli Pálsson, fæddist og ólst upp í Vestmannaeyjum. Hann er prófessor í mannfræði við Háskóla Íslands.

 Á vefnum Forlagið.is, stendur:

Getur maður átt samleið með fjöllum og hraunbreiðum? Myndað náið samband við atburði í jarðsögunni? Fjallið sem yppti öxlum fjallar á nýstárlegan hátt um "jarðsambönd" fólks sem ekki eru síður mikilvæg en tengsl þess við samborgara sína. Höfundur segir frá bernsku sinni í nábýli við iðandi eldfjöll, mannlegu drama andspænis náttúruvá og þeim ógnum sem steðja að lífríki jarðar. Glíma manna við jarðelda, ekki síst í Heimaeyjargosinu árið 1973, opnar honum óvenjulega sýn inn í vanda jarðarbúa á svokallaðri mannöld sem einkennist af skaðlegum og oft óafturkræfum áhrifum manna á bólstaði sína og jörðina sjálfa.

Gísli Pálsson er prófessor í mannfræði við Háskóla Íslands. Hann stundaði framhaldsnám við Manchesterháskóla og lauk þaðan doktorsprófi árið 1982. Meðal bóka hans eru ævisögurnar Frægð og firnindi: Ævi Vilhjálms Stefánssonar og Hans Jónatan: Maðurinn sem stal sjálfum sér, sem báðar hafa verið þýddar á ensku. Hann hefur hlotið margs konar viðurkenningu fyrir rit sín og rannsóknir

Tengill á Forlagið vefverslun

Ekki gleyma mér - minningasaga eftir Kristínu Jóhannsdóttur.

Höfundur er Eyjakonan Kristín Jóhannsdóttir, forstöðumaður gosminjasafnsins Eldheima. Dóttir Jóhanns Friðfinnssonar og Svönu Sigurjónsdóttur.

Af bókarkápu:

Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?"

Kristín Jóhannsdóttir hélt til náms austur fyrir járntjald árið 1987. Sú vist átti eftir að marka hana fyrir lífstíð. Í tvo áratugi sat hún á sér en gat svo ekki meir. Hafði maðurinn sem hún elskaði bara verið ómerkilegur Stasí-njósnari? Hvað með aðra vini sem hún eignaðist á þessum sögulegu tímum?

Penninn vefverslun 

Bjartur.is - Ekki gleyma mér